Raġel ta’ nazzjonalita’ Koreana ta’ 25 sena jinsab fil-periklu tal-mewt wara li sofra minnf feriti f’rasu.

Mill-ewwel stħarriġ tal-Pulizija rriżulta li r-raġel instab mitluf minn sensieh nhar it-Tlieta filgħaxija f’appartament fi Triq tal-Ħriereb, l-Imsida. Fuq il-post waslet Ambulanza li ħadet lir-raġel l-Isptar Mater Dei fejn kien iċċertifikat li jinsab fil-periklu li jitlef ħajtu.

Il-Maġistrat ta’ l-Għassa kienet infurmata bil-każ u ħatret diversi esperti biex jgħinuha fl-inkjesta.

L-investigazzjonijiet qed jitmexxew mill-Pulizija.